Hasiera Segurtasun ataria GURE ONLINE BANKAN

SEGURTASUNA GURE ONLINE BANKAN

Ezagutu gure Online Bankan dauden segurtasun-neurri guztiak.

ONLINE BANKA

Laboral Kutxan segurtasun-sistema berrienak garatu eta ezartzen ditugu, informazio-sistema guztietan konfidentzialtasuna, osotasuna eta erabilgarritasuna bermatzeko:

  • Ausazko gakodun sinadura-txartel bat dago, transakzio ekonomikoak egiteko. Atzealdean, hirurogei gako daude. Ausaz eskatuko zaizkizu, zure dirua mugitzeko edo beste edozein eragiketa egiteko. LABORAL Kutxak gako bat baino ez dizu eskatuko eragiketa bakoitzeko, bai Online Bankan, bai Banka Mugikorrean.
  • LABORAL Kutxak ez dizu mezu elektronikorik bidaliko zure kreditu- edo zordunketa-txartelen informazioa, sarbide-gakoak edo banku-datuak eskatzeko. Halaber, gure mezu elektronikoetan, ez dugu programa exekutagarririk erantsiko.
  • Aparteko segurtasun-neurri gisa, sinadura-gakoa mugikorretik eskatzeko aukera eskaintzen dizugu. Eskaera sakelako telefonora bidalitako SMS baten bidez jasoko duzu; gero, txartelaren atzeko aldean kontsultatu eta ordenagailuaren pantailan adieraziko duzu kasuan kasuko zenbakia.
  • Gainera, sistema ahalik eta seguruena izan dadin, Mugikorreko Alerten Zerbitzua kontratatzeko aukera eskaintzen dizugu. Horren bitartez, abisua jasoko duzu, zure txartelekin, Online Bankan edo Banka Mugikorrean eragiketa ekonomikoak egiten diren bakoitzean.
  • Sarbide- eta sinadura-gakoak zenbakien ausazko posizioa duen erregleta batean sartzen dira, troiar erako birusek teklatuan tekleatutako gakoak eskuratzea saihesteko. Gainera, sarbide-gakoa nahi adina aldiz alda daiteke.
  • Sinadura okerra sartzen den hirugarren aldian, sinadura-txartela blokeatu egingo da. Zure bulegoan aktiba dezakezu berriro, edo Telebankan, 901 333 444 telefono-zenbakira deituz.
  • Zure bulegoan, transferentzien eguneroko zenbatekoaren muga zehaztu dezakezu (zeroan ere utz dezakezu), gainerako eragiketetan eraginik izan gabe.
  • Zerbitzura egindako azken konexioaren eguna eta ordua adieraziko dizugu.
  • Laboral Kutxaren Online Bankaren webgune seguruen helbide guztiek horrelako webguneen “s” dute, eta denek www.laboralkutxa.com dute hasieran.
  • Datu edo gako pertsonalik erabili behar baduzu, egiaztatu webgune seguruaren ziurtagirien indarraldia eta titulartasuna. Horretarako, egin klik nabigatzailearen barrako giltzarrapoaren gainean.
  • Ez fidatu Online Bankan edo Banka Mugikorrean sartzeko estekez, mezu elektronikoetan edo bannerretan txertatuta badaude. Esteka horiek erabiltzen badituzu, egiaztatu zuzeneko helbidera eramaten zaituztela (www.laboralkutxa.com).
  • Ez eman inoiz inori zure segurtasun-gakoak, eta aldatu aldian-aldian. Ez erabili gako arruntik edo erraz ondoriozta daitekeenik.
  • Ezabatu ordenagailuaren cache-memoria, beste pertsona batzuek ere erabiltzen badute edo leku publiko batean badago. Amaitu beti Online Bankako saioa. Horretarako, egin klik goiko menuko CLNETetik IRTEN aukeran.
  • Zure gakoen konfidentzialtasuna zaindu behar duzu, zure ordenagailuaren, tabletaren eta sakelako telefonoaren segurtasuna babestuz. Horretarako, instalatu birusen kontrako softwarea zure ordenagailuan eta izan beti aktibatuta. Ez instalatu ezezaguna edo zalantzazkoa den softwarerik.
  • Laboral Kutxak ez dizu INOIZ ERE gako bat baino gehiago eskatuko eragiketa bakoitzeko. Zalantzarik izanez gero, deitu Bezeroaren Arreta Zerbitzuaren 901 333 444 zenbakira.

 

Segurtasun-egiaztagiria www.laboralkutxa.com-en

TLS (Transport Layer Security) eta SSL (Secure Sockets Layer) komunikazio seguruak ematen dituzten protokolo kriptografikoak dira.

Konexio seguruetan, urrats hauek ematen dira:

  • Bezeroak eta zerbitzariak komunikazioan zer algoritmo kriptografiko (TLS, SSL, etab.) erabiliko dituzten negoziatzen dute.
  • Gako publikoak trukatzen dira, eta ziurtagiriak egiaztatzen dira (horretarako, Symantec-en ziurtagiria erabiltzen da).
  • Trafikoaren enkriptaketa simetrikoa egiten da (horretarako, Symantec-en ziurtagiria erabiltzen da).

Gure enkriptaketarako ziurtagiria Symantec erakunde egiaztatzailearena da eta www.laboralkutxa.com URLari lotuta dago.

Zure nabigatzailearen bertsioa ez da bateragarria. Baliteke zenbait ezaugarrik behar bezala ez funtzionatzea. Nabigatzaile modernoago bat erabiltzea gomendatzen da.