Eguneratu zure sistema edo instalatu segurtasun zertifikatu berria hemendik

Via T Teleordainketa

Ibilgailua gelditu gabe bidesaria ordaintzeko aukera ematen duen sistema elektronikoa.

ZER DA VIA-T?

Gailu elektroniko bat da, banku-kontu bati lotuta aukera ematen duena gaitutako ordainlekuetan urrunetik ordaintzea, eroso eta erraz, autoa geratu gabe eta, ilaran egon beharrik ez dagoenez, denbora aurreztuz.

NOLA FUNTZIONATZEN DU?

Autoaren aurreko beirari atxikitzen zaio gailua eta, VIA-T jartzen duen ordainlekuko erreitik pasatzerakoan, berrespen-txistu bat jotzen du; orduan, semaforoa berde jartzen da eta segurtasun-langa ireki egiten da.

NOLA KONTRATA DEZAKET?

Online Bankan edo LABORAL Kutxaren edozein bulegotan.

Via T logotipoa duten autobideetan, ibilgailua gelditu gabe bidesaria ordaintzeko aukera ematen duen sistema elektronikoa da.

Ezaugarriak

  • Via T teleordainketa 10 urtera iraungitzen da.
  • Berehala ordaintzeko Via T edo hilean ordaintzekoa eska dezakezu.
  • Erabiltzeko erraza da: Via T gailua autoan jarri behar duzu, eta Via T anagramarekin identifikatutako ordainlekuek irakurketa elektronikoa egingo dute; horrela, automatikoki gestionatuko da segurtasun-barrera irekitzea eta bidesariaren zenbatekoa ordaintzea.

Abantailak

Via T-ren titular diren Arabako eta Bizkaiko egoiliarrek hobariak dituzte beren probintziako autobideetan.

Bizkaia:

Alde batetik, Bizkaiko Lurralde Historikoaren titulartasuneko autobideetan hil berean guztira gastatu den zenbatekoa 31,83 eurotik gorakoa bada, kopuru horretatik gora ordaindutakoaren % 100 itzuliko da.

Bizkaiko Lurralde Historikoaren titulartasuneko autobideetan hil berean egindako gastua ez bada 31,83 eurotara heltzen baina hilean 10 bidaia baino gehiago egin badira, egindako bidaiak zenbateko handienetik txikienera sailkatuko dira eta hamaikagarren (11.) eta hogeita bosgarren (25.) ibilaldien bitartean ordaindutako bidesarietan % 35eko diru-laguntza ezarriko da (BEZa kenduta), eta 26. bidaiatik aurrera bidaia bakoitzean % 45eko diru-laguntza ezarriko da (BEZa kenduta).

Beste alde batetik, eta aurrekoarekin era osagarrian, diru-laguntza kalkulatzeko kontuan hartu diren ibilaldietan Arabako eta Gipuzkoako Lurralde Historikoen titulartasuneko autobideetan 46,58 € baino gehiago gastatu dituzun aztertuko da. Ibilbide horien jatorria edo helmuga Bizkaia izan bada, gastu horretatik gorako zenbatekoaren % 100 itzuliko zaizu.

Hobarien sistemaz baliatzeko, Bidesaria sisteman erregistratuta egon behar duzu, eta Via T sistemari lotu. Izapide hori online egin daiteke, eta gaur egungo diru-laguntzen sistemari lotuta dauden Via T-ek nahiz oraindik lotu gabe daudenek egin behar dute. Informazio gehiago

Araba:

AP-01

50 bidaia egiteko hileko tarifa finkoa, 15 euro hilean Etxabarri-Ibiña eta Eskoriatza bitarteko bide-zatietan, eta 60 euro hilean Eskoriatza eta Maltzaga (AP-8 autobidearekiko lotunea) bitartean

AP-68

% 60ko deskontua (BEZa barne) bi ordainleku hauetako batean hasi edo amaitzen den ibilbidean: Laudiokoan, Ziorragakoan, Altubekoan, Subillakoan eta Zanbranakoan. Diru-laguntza jasotzeko eskubidea izateko, erabiltzaileak 15 bidaia egin behar ditu gutxienez hil bakoitzean. Bilbotik Laudiora bitarteko bide-zatia diru-laguntzatik kanpo geldituko da.

Diru-laguntza Aldundiaren bulegoetan eskatu behar da. Informazio gehiago.

Zure nabigatzailearen bertsioa ez da bateragarria. Baliteke zenbait ezaugarrik behar bezala ez funtzionatzea. Nabigatzaile modernoago bat erabiltzea gomendatzen da.