Ezbeharra gertatuz gero

SANITAS - Osasun-asegurua

Larrialdiak 24 orduz: 917 522 901

EXPERTIA - Ehorzketak

Ezbeharra gertatuz gero: 900 264 524

Atzerritik: +34 915 160 518

EUROP ASSISTANCE

Espainiatik deitzen baduzu: 902 158 585 / 915 149 900

Atzerritik deitzen baduzu: +34 915 149 900

CASER

Ezbeharra gertatuz gero: 915 909 752

PREVISIÓN MALLORQUINA - Eguneko baja

Ezbeharra gertatuz gero: 900 103 057

Lagun Aroren Aseguruen doako arreta-telefonoa: 900 380 838. 365 egunetan 24 orduz gaude, behar duzunean errepide-sorospena emateko, autoaren, etxearen edo dendaren parte emateko edo zure ezbeharren egoeraren berri izateko.

Nahiago baduzu, ezbeharraren parte gure bulegoetan eman dezakezu, aseguruen gestore batek lagunduko dizu horretan.

Zure ezbeharra konpontzeko jarraitu beharreko pausoak azalduko dizkizugu:

Deitu 900 380 838 telefonora, izandako ezbeharraren partea har diezazuten.

Zure asegurua Arrisku Orotarakoa bada

• Adierazi zein konponketa-tailerrera eraman duzun zure ibilgailua edo noiz eta non utziko duzun.
  
  Gogoratu gure konfiantzazko tailerretan honako abantaila hauek izango dituzula: ahal bada, kortesiazko auto bat utziko dizute, lehentasuna izango duzu konponketari dagokionez, eta autoa garbituta itzuliko dizute.
  
  
  
• Gure peritua, gehienez, 24 ordutan bertara joango da, egin beharreko konponketak gainbegiratzeko.
  
  
  
• Ondoren, konponketaren zenbatekoa ordaintzeaz arduratuko gara.

Frankizia bat kontratatuta edukiz gero, haren balioa tailerrari ordaindu beharko diozu. Gogoratu: beste ezbehar batzuetako kolpeak izanez gero, ezbehar bakoitzeko frankizia bat aplikatuko da.

Istripuaren erantzukizuna beste gidariarena bada, berehala abian jarriko ditugu zure frankizia beste aseguru-etxeari erreklamatzeko izapideak.

Zure asegurua Hirugarrenentzakoa bada

• Istripua erantzukizuna zurea izan bada eta beste ibilgailu bati kalteak eragin badizkiozu, gu arduratuko gara kalte horiek ordaintzeaz, materialak nahiz pertsonalak, zuk ez duzu kezkatu beharrik.
• Istripuaren erantzukizuna zurea izan bada eta zure ibilgailuari kalteak eragin badizkiozu, zu arduratu beharko zara kalteak ordaintzeaz.
• Istripuaren erantzukizuna beste gidari batena bada, berehala hasiko ditugu zure frankizia beste konpainiari erreklamatzeko tramiteak.

Nahi baduzu, zure ibilgailuak izandako kalteen balorazioa egin dezake gure perituak.

Ezbeharren bat izan baduzu zure ibilgailuarekin eta Bidaiako Laguntza zerbitzua eskatu nahi baduzu, deitu zuzenean 900 380 838 telefonora. Bidaiako laguntza atzerritik jasotzeko, hau da telefonoa: 00 34 944 05 14 12.

Gure laguntza-zerbitzua zu laguntzera joango da, bai autoa bertan konpontzeko bai tailerrera eramateko; jakina, bidaideez ere arduratuko gara.

Ordezko autoaren estaldura kontratatuta baduzu, zirkulazio-istripua gertatuz gero, galdetu ea alokairu-ibilgailu bat baliatzeko aukera duzun zurea konpontzen duten artean.

Ezbeharraren berri emateko zuk bete eta zure aseguru-etxeari eman behar diozun dokumentu horrek asko arintzen eta errazten ditu ezbeharraren ondorengoko izapideak. Istripuetarako adiskidetasunezko parte bat eraman dezakezu beti autoan, eta hura behar bezala bete behar duzu.

Behar bezala betetzeko, eta errealitatearekin bat etor dadin, bete ezazu beste gidariarekin batera ezbeharra gertatzen den unean bertan. Biek sinatu behar duzue, aseguru-etxeek erantzukizunak zehazteko. Garrantzitsua: deklarazioa bi gidariek sinatu behar dute. Hala eta guztiz ere, deklarazioaren edukiarekin ados ez bazaude, ez sinatu, eta eskatu Trafikoko Agintariak bertaratzeko.

Idazkerak erraza eta laburra izan behar du, ia telegrafikoa. Gogoan izan aseguru-etxeek elkar ulertzea bideratu behar duela.Bete ahal duzun bezain ondoen krokisa. Adierazi kaleen izenak, ibilgailuek zuten noranzkoa, zein trafiko-seinale dagoen bertan eta errepideen egoera.

Ez ahaztu oharren eremua betetzeaz. Hor adieraz dezakezu “zirkunstantziak” eremuan aurreikusita ez dagoen edozein argibide, eta zure ibilgailuak edo bertan zeneramatzan ondasunek izandako kalteak jar ditzakezu.

Parte-mota hau gidariek sinatzen dute soilik. Ez aldatu datuak partea sinatu ondoren. Halakorik eginez gero, zure aurka erabil dezakete.
Gogoratu oso garrantzitsua dela parte-hartzaileen harremanetarako datuak adieraztea (helbide elektronikoa eta telefono mugikorra). Partearen atzealdea bete dezakezu istripua gertatu den unea igarotakoan, norbaitek lesioak izan dituen, agintariek parte hartu duten, eta abar adieraziz. Bidal iezaguzu partea, gehienez, istripua gertatu denetik 7 eguneko epean.

Pitzadura bat gertatzen bada edo zure autoaren kristala hausten bada eta zure polizak berme hori badu, ez duzu zertan parterik eman behar eta ez dio kalterik egingo hobariari. 900 380 838 telefono-zenbakira deitze hutsarekin profesional-sare zabal bat jarriko da martxan zure kristalaren kaltea konpontzeko, zure beharretara hobekien egokitzen den konponketa-zentroa zein den adierazteko edo, ahal bada, unitate mugikor bat bidaltzeko.
Aurki itzazu Lagun Aro Aseguruen webgunetik hurbilen duzun Kristalen tailerra.

Zirkulazio-isun bat jasotzen baduzu eta ados ez bazaude, gorde haren kopia bat.

Deitu lehenbailehen 900 380 838 telefonora, zigorrarekin, indarrean dagoen ordainagiriarekin eta zure NANarekin, isunaren erreklamazioa kudea dezagun. Zure errekurtsoa kudeatuko dugu bide administratiboa agortu arte.

Isunak gidabaimena kentzea badakar, kontsultatu ea estaldura hori kontratatuta duzun, eta ea betetzen diren gidabaimena kentzeagatik hileko sorospena kobratzeko baldintzak nahiz gidabaimena berreskuratzeko prestakuntza-ikastaroetan matrikulatzearen gastuak ordaintzeko baldintzak.

Deitu lehenbailehen 900 380 838 telefonora. Ahal bezain laster urgentziazko sarrailagile, argiketari edo konpontzaile batekin joango gara.

900 38 08 38 telefonora deitutakoan soilik emango dira zerbitzu horiek, eta, beraz, gomendatzen dizugu laguntza-txartela beti zurekin eramatea edo Etxeko Laguntzaren telefono hau zure mugikorrean gordetzea: 900 380 838.

• Deitu lehenbailehen Lagun Aroren doako telefonora: 900 380 838, eta ezbeharraren partea hartuko dugu.

Gogoratu istripuaren arduradun edo kaltetua bazara, ahal den azkarren eman behar duzula ezbeharraren berri, honako datu hauek adieraziz: izena, helbidea, harremanetarako telefonoa eta poliza-zenbakia. Gainera, ezbeharraren inguruabarren eta ondorioen ahalik eta deskribapen zehatzena beharko dugu.

Zure etxerako konpontzaile bat behar baduzu, deitu baita ere. Gure konfiantzazko konpontzaileen sarea eskain diezazukegu, eta ez dituzu joan-etorriko kostuak eta eskulana ordaindu behar.

• Izapidegile pertsonal bat esleituko dizugu etengabe zuri laguntzeko. Gainera, parte-hartzaileekin koordinatuko dugu (konpontzaileekin, adituekin, abokatuekin, eta abar) zure behar guztiei erantzuteko.
  
  Dena den, aukera izango duzu konponketa zure kontura egiteko edo gure konfiantzazko konpontzaile-sareko norbait emango dizugu.
• Ezbeharraren ezaugarrien arabera, peritu bat bidaltzeko beharra aztertuko dugu, edota urrutitik peritatzeko: bideo-peritatzea. Bideo-peritatzea ezbeharraren izapideak errazteko modu eroso eta sinpleena da.
  
  
• Zure ezbeharraren kalteak eta estaldura argitutakoan, era pertsonalizatuan kudeatuko dugu, eta ezbeharraren berri Banka Onlinez, telefonoz edo SMS bidez emango dizugu; emandako urratsak jakinaraziko dizkizugu.
  Ondoren, izandako kalteen zenbatekoa ordaintzeaz arduratuko gara, betiere, kontratatutako estaldurarekin bat, edo kalteak konpontzeko profesional bat bidaltzeaz arduratuko gara.
• Hirugarrenei kalteak eragin badizkiezu, kalte horiek ordaintzeaz arduratuko gara, eta zuk ez duzu ezertaz kezkatu beharrik edo ordainketarik aurreratu beharrik izango.
• Hirugarren batek eragindako kalteek zu kaltetu bazaituzte, konpontzaileak bidaliko ditugu ezbeharra konpontzeko, eta erreklamazioa izapidetzeaz arduratuko gara.