Hasiera Negozioak eta Profesionalak Aseguruak Bizitza / Banakako Istripuak

BIZITZA / BANAKAKO ISTRIPUAK

Zure lasaitasuna aseguratzen dugu

Bizitza-aseguru bat beti da garrantzitsua. Autonomoen, profesionalen eta negozioen kasuan, bizitza-aseguru bat are garrantzitsuagoa da. Laboral Kutxarekin zure familiaren egoera babestuko duzu edozein ustekabekotik (istripuak, ezintasuna, etab.), eta zure negozioaren etorkizuna bermatuko duzu.

Zure eskura jartzen ditugu bizitza- eta istripu-aseguruko modalitate hauek, zure lasaitasuna eta zure familiarena bermatzeko. Lasai bizitzea ez da asko kostatzen Laboral Kutxarekin.

BIZITZA OPTIMOA

Etorkizuneko zure sarrerak babesten ditu edo maileguak kitatzeko aukera ematen dizu heriotza edo baliaezintasun iraunkor absolutua gertatuz gero.

Informazio gehiago

BIZITZA EMAKUMEA

Aseguru berri bat da, emakumeentzat berariaz pentsatutako estaldura eta zerbitzu sorta zabala eskaintzen duena.

Informazio gehiago

BIZITZA RELAX

Aseguru berria, errazago eta arinago kontratatzen dena, modu oneko prezioak eta berme lehiakorrak dituena.

Informazio gehiago

ISTRIPUAK CONFORT

Istripu-aseguru berri bat, kontratatzeko errazagoa, erosoagoa eta azkarragoa, prezio oso eskuragarriak eta berme oso lehiakorrak dituena.

Informazio gehiago

Kalkulatu eta Kontratatu

IFK-zk. B 75060988 duen eta Aseguruen eta Pentsio Funtsen Zuzendaritza Nagusiaren Aseguru Bitartekarien Erregistro Administratibo Berezian OV-0072 gakoarekin inskribatuta dagoen Caja Laboral Bancaseguros SLU banku-aseguruen operadore lotetsiaren bitartekaritzako asegurua. Erantzukizun Zibila eta Finantza Gaitasuna indarrean dagoen legediaren arabera estaliak. Arriskuaren aseguratzailea: Seguros Lagun Aro Vida,S.A., IFK-zk. hau duena: A-20182705.

Galderak

Zergatik eduki Bizitza Aseguru bat?
Bizitzan badira aurrez ikusi ezin ditugun egoerak, esaterako, gaixotasunak, heriotza, etab. Bizitza-aseguru batek finantza-segurtasunean pentsatzeko aukera ematen digu, baita huts egiten dugunean gure familia estalita egongo dela jakiteak ematen digun lasaitasuna ere.

Normalean inork ez du gai horietan pentsatu nahi izaten, baina, batez ere, norbait zure mendekoa bada finantza-aldetik, horrelakorik suertatuz gero zer gertatuko litzatekeen pentsatzeari ez diogu uko egin behar. Denok dugu behar adinako kopuru (kapital) batekin gure mendekoak direnak bizitza-aseguru batekin babesteko erantzukizuna; eta kopuru hori zure familiaren finantza-segurtasunaren oinarria da.

Hauek dira bizitza-aseguru bat edukitzeak dakartzan abantaila nagusiak:
- Zure diru-sarrerekin zure familiari egiten diozun ekarpena ordezten laguntzen dizu, familia bai erabat, bai neurri batean bakarrik ekarpen horren mendekoa bada ere. Zure diru-sarrerekin egiten duzun ekarpena ordezten lagunduko dizu.
- Kitatu gabeko zorrak badituzu, zure familiak ez du gastu horiei aurre egin beharrik izango; adibidez, hipoteka, ordaintzeke duzun edozein faktura, hileta-gastuak, zergak, edo, baita, negozio bat baduzu, eduki ditzakezun zorrak ere.
- Etorkizunean familiak izan ditzakeen beharrak ordaintzeko laguntza bat da, esaterako, zure seme-alaben ikasketak, etxebizitza berri bat erostea, erretirorako aurreztea, etab.
- Heriotzarekin lotutako gastuetarako dirua berehala jasotzeko aukera ematen dizu.
Gehigarri gisa, bizitza-asegurua kontrata daiteke beste berme batzuekin, zuretzat eta zure familiarentzat horiek bezain egoera garrantzitsuak eta ustekabekoak estaltzeko. Esaterako, hauek:
- Gaixotasun larriak edo baliaezintasuna, zure ekonomiarentzat traumatikoak izan daitezkeen egoerak baitira. Bitarteko ekonomikoak eskaini nahi ditugu Aseguratuaren bizi-kalitatea hobetzeko, baita tratamendu mediko-kirurgikoekin eta/edo errehabilitaziokoekin senda dadin ere.
- Laneko baja, ospitaleratzeagatiko kalte-ordaina eta/edo osasun-gastuen itzulketa, istripu bat izan ondoren sor daitezkeen behar ekonomikoak estaltzeko: lan egiteko aldi baterako ezintasuna, ospitaleratze-epeak, proba eta tratamendu medikoak, ebakuntza kirurgikoak, errehabilitazio-saioak, etab.
Ikusten duzunez, arrazoi asko eta oso onak daude bizitza-aseguru bat kontratatzeko.
Zein da komeni zaidan bizitza-asegurua? Zenbateko kapitala kontratatu?

Kasu bakoitza baloratzeko norberaren baldintza pertsonalak, familiakoak eta lanekoak hartu behar dira kontuan. Familiarik izanez gero, aditu askok iradokitzen duenez, urteko soldata halako 5 -10 arteko kapitala behar da. Hortik aurrera, egokia iruditzen zaizun kapitala, zure familiak diru-sarrera handiagoak behar izatea ekar ditzaketen beste aldagai batzuen arabera, esaterako, hipoteka, seme-alaben hezkuntza, zorrak, etab. Aldagai horietako bakoitza dela-eta, kasu bakoitza desberdina da.

Hori baloratzen laguntzeko, saiatu paper batean kalkulatzen egun dauzkazun gastuak: hipotekarik baduzun, seme-alaben kopurua (ikasketak, mantenua, osasuna), familiaren diru-sarrerak, familiaren edo negozioaren zorrak, etab. Horrela, jakingo duzu aseguratu beharreko gutxieneko gastuen kopurua.
Badu nolabaiteko gabealdirik?

Gure aseguruek ez dute gabealdirik aseguruaren estalduran: Asegurua kontratatzen duzun datatik (efektu-datatik) aurrera, polizak eta berme guztiek erabateko indarra izango dute, eta aseguruarentzat kontratatutako iraupenaren barruan egiten den edozein prestazio-erreklamazio hartuko dugu kontuan.
Gaixotasun Larriak hautazko bermeak salbuespen bakar bat dauka, minbiziaren estaldurarako 90 eguneko gabealdia ezartzen baita.
Bizitza Relax aseguruaren estaldurek badute muga-motaren bat?
Gure Bizitza Relax aseguruak estaldura mundu osoan emango dizu eguneko 24 orduetan, eta ia kirol eta lanbide guztiak barne hartzen ditu. Zehazki, hauek:
- Hainbat kirol egitea ere barne, adibidez, eskia, txirrindularitza, urpekaritza... inolako errekargurik gabe.
- Motoak gidatzea ere barne, zilindrada edozein dela, inolako errekargurik gabe.
- Errekargurik gabe, ia lanbide guztien praktikarako.
- Azterketa medikorik gabe, osasunari buruzko 2 galderarekin soilik.
- Malgutasuna:
  - Zuk aukeratzen duzu aseguratutako kapitalaren modulua, eta edozein unetan alda dezakezu zure eta zeure familiaren aseguruari buruzko premien arabera.
  - Nahi izanez gero, biziarteko izaerarekin manten dezakezu berehalako kapitala heriotzatik eratorritako gastuetarako.
  - Onuradunak libreki izendatu ahal izango dituzu, eta nahi duzunean aldatu, lehendik hipoteka bat duzunean izan ezik.
Zein lanbide geratzen dira Bizitza Relax Asegurutik kanpo?
Aseguru honek ez du errekargurik ia lanbide guztien praktikarako, baina lanbide batzuk modalitate honetatik kanpo geratzen dira:
- Zaintzaileak, eskoltak, militarrak, Guardia Zibilak eta poliziak (autonomia erkidegokoa, nazionala, udaltzaingoa, sekretua, kidego bereziak, etab.) eta suhiltzaileak.
- Helburu komertzial edo militarreko aireontzien pilotuak eta/edo eskifaia.
- Arrantza-industria, oro har.
- Lehergai eta/edo produktu erradiaktibo, sukoi, toxiko edo korrosiboen manipulazioa eta garraioa.
- Meatzaritza, hargintza, espeleologia eta petrolio-plataformak.
- Baso-lanak eta urpeko lanak (urpekariak).
- Kanpoko lanak edo itxiturarik gabeko egituren gainekoak, 10 metrotik gora egiten direnak (enkofratzaileak, aldamio-muntatzaileak, eraikinetako beira-garbitzaileak, antenistak, eguzki-plakak, tximistorratzak, sabaigileak, iragazgaizleak, etab.), eta kirolari profesionalak.
Lanbide horietako bati estaldura eman behar badiozu, Lagun Aro Bizitza modalitatea dugu: aseguru malguagoa eta osatuagoa da, zure beharretara egokitzeko diseinatutakoa. Kontsulta iezaguzu.
Zein kirol geratzen dira Bizitza Relax Asegurutik kanpo?
Era azkar eta errazean kontratatzen den aseguru honetan ohikoenak diren kirolak egitea barnean sartzen ditugu, eta esanbidez kanpoan geratzen dira jarduera hauek:
- Negu-kirolak, balizatu gabeko pistetan eta/edo goi-mendietako (>3.000 m) zirkuituetan eta/edo bakarka egiten direnean.
- Elurretako eta uretako motoa.
- Eski akrobatikoa eta uretakoa, eta jauzi-oholeko saltoak.
- Mendi-ibiliak/trekkinga goi-mendietan (>3.000 m)
- Eskalada, arroilak edo mendietako ibaiak jaistea, ur-jauziak, espeleologia, etab. (rafting/cannoying/puenting, etab.) bakarka edo monitoreen gainbegiradarik gabe.
- Gaueko urpekaritza, bakarka, izozpean eta/edo 20 metrotik gorako sakoneretan.
- Motoziklismoa eta automobilismoa, ibilgailua pilotu, kopilotu edo bidaiari soil gisa okupatuz.
- Aire-kirolak oro har, ibilgailua pilotu, kopilotu edo bidaiari soil gisa okupatuz.
- Ur-kirolak, bakarka eta/edo baldintza klimatologiko txarretan, eta/edo itsasertzetik milia 1etik gora eta/edo zona harritsuetan edo irispide zailekoetan eginez gero.
- Txirrindularitza-lehiaketetan parte hartzea.
- Ehiza larria.
- Zezenketa eta abelburu basatien entzierroa.
- Edozein kirol egitea monitore, entrenatzaile edo prestatzaile gisa.
- Gidatze, salbamenduko edo erreskateko lanak.
- Quad eta minimotoak erabiltzea eta gidatzea.
Kirol horietako bati estaldura eman behar badiozu, zuretzat Lagun Aro Bizitza modalitatea dugu: aseguru malguagoa eta osatuagoa da, zure beharretara egokitzeko diseinatutakoa. Kontsulta iezaguzu.
Asegurua zatika ordain dezaket?

Aseguruek urteko prima bat dute, baina erosoago ordaintzeko, zure aseguruaren prima zatika ordain dezakezu, zure beharren arabera. Halaber, ordainketa-era hori zure beharrak aldatu ahala, alda dezakezu aseguruaren bizitzan zehar.
Zer komeni zait, Bizitza edo Istripu Asegurua?

Hori zure familia-egoeraren araberakoa da: kargak, hipotekak, eta beste faktore batzuen araberakoa, esaterako, adina, lanbidea edo egiten dituzun kirolak, ibilgailurik erabiltzen duzun, maiz bidaiatzen duzun, etab. Azken batean, zure lehenespenen eta ordaintzeko prest zauden kopuruaren arabera dago. Esan dezakegu istripu-asegurua gutxieneko asegurua dela, eta horrekin, gutxienez, kontingentzia profesionalak estaltzen dituzu, betiere, horiek badira zu kezkatzen zaituzten bakarrak. Baina, aukera guztiak estalita eduki nahi badituzu, bizitza-asegurua da gaixotasuna eta istripua batera estaltzen dizkizun bakarra, bai heriotzarako, bai baliaezintasunerako.

Adibide bat:
Seme-alabak eta hipoteka bat izanez gero, heriotza gertatuz gero zure familia estaliko dituen bizitza-aseguru bat gomendatzen dizugu.
Familia-kargarik ez baduzu, baina ezintasun baten aurrean zure etorkizuna estaltzeak kezkatzen bazaitu.
Laburbilduz, zure egoera pertsonalaren eta familiakoaren arabera, aseguru bat edo beste bat komeniko zaizu. Gure aholkua nahi baduzu, idatz iezaguzu
Zein modalitate hautatu: Lagun Aro Bizitza edo Bizitza Relax?

Bizitza Relax kontratatzea oso erraza, arina eta azkarra den produktua da, osasunari buruzko 2 galdera nahikoak dira, Azterketa Medikorik gabe. Lanbidea, kirola, bidaia, osasun-egoera, etab. dela-eta, zure arrisku-egoera berezia bada, edo 100.000tik gorako kapitalak edo ohiko Heriotza eta Baliaezintasun Iraunkor Absolutua baino berme handiagoak behar izanez gero, orduan, ondoen egokitzen zaizun asegurua Lagun Aro Bizitza da: zabala da estaldura eta kapitaletan, eta erabat malgua edozein egoera/behar pertsonaletara egokitzeko.
Zer jotzen da Istriputzat?

Aseguratuaren borondatezkoa ez den kanpo-gertakari bortitz eta bat-bateko baten zuzeneko ondorioengatiko edozein gorputz-lesio.
Zein da Baliaezintasun Iraunkor Absolutua?

Kapital bat bermatzen da, edozein lan-jarduera edo jarduera profesional egitea eragozten duen baliaezintasun iraunkor eta atzeraezin baten kasuan.

Bizitza-aseguruen kasuan, estalita geratzen da gaixotasun- edo istripu-kasuan. Halaber, istripu edo zirkulazioko istripuen kasuan kapital kontratatua bikoizteko edo hirukoizteko aukera izango duzu.

Istripu -aseguruaren kasuan, kapitala bikoizteko aukera izango duzu zirkulazio-istripua izanez gero.
Zer da Baliaezintasun Iraunkor Osoa edo Profesionala?

Egoera fisiko atzeraezina, ohiko jarduera profesionalarekin edo lanekoarekin jarraitzeko aukerarik ematen ez duena.
Zer estaltzen du Gaixotasun Larrien bermeak?
Berme interesgarria da, gaixotasun hauetako bat diagnostikatuz gero, polizan hitzartutako kapitala ordainduko baitizugu:
- Miokardioko infartua
- Minbizia
- Garun-hodietako istripua
- Giltzurrunetako gutxiegitasuna
- Arteria koronarioen kirurgia, zubi aortokoronarioa (by-pass)
- Organo bitalak transplantatzea
- Paralisia, paraplegia
- Alzheimer-en gaixotasuna
- Parkinson-en gaixotasuna
- Koma-egoera
- Erabateko itsutasuna
- Erredura larriak
Zein izan daiteke nire polizaren onuraduna?

Bizitza- eta istripu-aseguruetan, zuk hautatzen duzun edonor izan daiteke, betiere, hipotekarik ez baduzu. Halakoetan, onuraduna bankua da. Behin mailegua kitatutakoan, libreki izenda daiteke onuraduna.
Ba al dago autonomoentzako aseguru berezirik, prestazioak hobetzeko?

Bai, aseguratzaileek ezagutzen dugu autonomoen egoera, eta horregatik produktu esklusiboak eskain diezazkizukegu, egoera bakoitzari egokitzen zaion aholkularitzarekin.
Aseguru ohikoenak eta eskari handiena dutenak aldi baterako ezintasuna estaltzen dutenak dira, eguneko baja esaten diegunak hain zuzen. Halaber, bereziki gomendatzen ditugu bizitza-aseguruak eta istripu-aseguruak, zure lan- eta familia-bizitzari lasaitasun eta egonkortasun handiagoa emateko. Aurrezteko eta erretirorako konponbide egokiak ere badaude.
Edonola ere, autonomoaren egoera da gako-faktorea produktu bat ala bestea aukeratzeko garaian. Zalantzarik gabe, aholkularitza pertsonalizatua beharrezkoa da pertsona bakoitzarentzat konponbide egokiena aurkitzeko.
Guk aholkularitza-zerbitzu hori eskaintzen dizugu. Hasteko, autonomo bezala duzun egoeraren diagnostikoa egiten dugu Orienta Zerbitzuan, eta bertan gure aseguruetako adituak esango dizu nola komeni zaizun gehien aseguratzea. Ikusi autonomoentzako ditugun aseguruak (Eta lotu autonomoen subhome-rekin).
Hitzarmen Kolektibo batek langilearentzat estaldurak ezartzen baditu heriotza/baliaezintasun/istripu kasuetarako, sor al dezake enpresak barne-funts bat kontingentzia horiei aurre egiteko?

Ez, legez nahitaezkoa da estaldura hori aseguru-etxe baten bidez kanporatzea.
Sar al daitezke hitzarmen kolektiboak ezarritakoen desberdinak diren estaldurak eta/edo kapitalak?

Bai, betiere Hitzarmenak ezarritako nahitaezko gutxienekoak hobetzen baditugu. Adibidez, Hitzarmenak edozein kausagatiko Heriotza eta Baliaezintasun Iraunkor Absolutua 15.000 euroko zenbatekoarekin aseguratu behar direla ezartzen badu, Ezintasun Iraunkor Osoa bermea gehitu ahal izango dugu polizan, edo kapital handiagoak estali eta/edo kapitalak bikoiztu istripuen kasurako.

Estekak

Lasaitasun Packaren oinarriak

BIZITZA / BANAKAKO ISTRIPUAK

BIZITZA OPTIMOA

BIZITZA EMAKUMEA

BIZITZA RELAX

ISTRIPUAK CONFORT

Posta elektronikoz edo telefonozaholkatuko zaitugu:

Posta elektronikoz edo telefonoz
aholkatuko zaitugu: